Arbusto da familia Rosaceae, frecuente en Ridimoas, onde vexeta un pouco en tódolos hábitats, pero en especial na paraxe do Valdasmo, Cabreira e Canteira na cota dos 200 metros de altitude, en exposición norte ó longo do camiño das Regadas, onde forma parte da comunidade vexetal da orla do bosque caducifolio. En abril xa están floridas, lucindo flores brancas de cinco pétalos das que nacerán pequenos froitos que irán madurando ate o outono.