top of page

Hedra (Hedera helix) 

Arbusto gabeador perennifolio con talo provisto de raíces adventicias e follas lustrosas de cor verde escura brillante que medran en dous tipos de pólas: estériles e fértiles; as follas das estériles teñen de tres a cinco lóbulos mentres que as das fértiles son enteiras. A densa follaxe das hedreiras serve a miúdo de refuxio, durmideiro e lugar de cria a moitos animais silvestres.

As hedras, relativamente comúns nas zonas frescas de Ridimoas, florean en umbelas, de setembro a outubro, aportando polen ós insectos no outono. O froito son unhas bagas negras moi apetecidas no inverno polas aves: principalmente por merlos e tordas.

 

Fotos: Paula R. Domínguez.

 

 

bottom of page